კანის მდგომარეობაზე ბევრი რამ მოქმედებს, მათ შორის - კვება. არაქისის კარაქი კანისთვის სასარგებლო რამდენიმე ნივთიერებას შეიცავს: ბიოტინს, ომეგა 6 ცხიმოვან მჟავას, პროტეინსა და ვიტამინ E-ს.
ბიოტინი - ვიტამინი კანის, თმისა და ფრჩხილებისთვის
ბიოტინი, იგივე ვიტამინი B7, კანის ჯანმრთელობისთვის ერთ-ერთი მნიშვნელოვანი ვიტამინია. ბიოტინის ფუნქცია ნივთიერებათა ცვლის სტიმულირება და ცხიმოვანი მჟავების ფორმირებაა. ცხიმოვანი მჟავები კანის უჯრედების მთავარი საშენი მასალაა. მათგან ყველაზე ცნობილი ომეგა 3-ია. ცხიმოვანი მჟავების ნაკლებობა კანის ნაადრევ დაბერებას იწვევს. ბიოტინის ნაკლებობის სიმპტომებია: შეთხელებული თმა, მყიფე ფრჩხილები და გამონაყარი. არაქისი ბიოტინის კარგი წყაროა, ამიტომ არაქისის კარაქის მცირე ყოველდღიური ულუფა ამ ვიტამინის დღიური საჭიროების ნაწილს ფარავს.
ომეგა 6 - კანის დამცავი ბარიერისთვის
ომეგა 6 ცხიმოვანი მჟავა (ლინოლის მჟავა) კანის დამცავი ბარიერის ნაწილია და კანს ტენის შენარჩუნებაში ეხმარება. მისი ნაკლებობისას კანი შრება და აქერცლება. არაქისის კარაქი ომეგა 6-ით მდიდარია. ზრდასრული ქალისთვის მისი რეკომენდებული დღიური რაოდენობა 12 გრამია, მამაკაცისთვის - 17 გრამი, და მიწისთხილის კარაქის ყოველდღიური ულუფა ამ საჭიროების საგრძნობ ნაწილს ფარავს.
პროტეინი და კოლაგენი
პროტეინი და ამინომჟავები კანის უჯრედების ერთ-ერთი მთავარი საშენი მასალაა. მათ გარეშე კანი ელასტიკურობას და დაზიანებული ქსოვილების აღდგენის უნარს კარგავს. პროტეინიდან მიღებული ამინომჟავებისგან ორგანიზმი კოლაგენს აწყობს. კოლაგენი კანს სიმკვრივესა და ელასტიკურობას აძლევს, მისი ნაკლებობა კი გამომშრალი კანისა და ნაადრევი ნაოჭების ერთ-ერთი მთავარი მიზეზია. 2 სუფრის კოვზი (32 გ) არაქისის კარაქი დაახლოებით 8 გრამ პროტეინს შეიცავს - ეს კარგი დამატებაა დღიურ რაციონში, თუმცა კოლაგენისთვის საჭირო პროტეინს მთელი რაციონიდან ვიღებთ.
არაქისის კარაქი კანისთვის: ვიტამინები და ზომიერება
არაქისის კარაქი ვიტამინებითაც გამოირჩევა: Snacky-ის კარაქში ვიტამინები E, B3, B5, B6, ბიოტინი და ფოლატია, მინერალებიდან კი - მაგნიუმი, თუთია და სელენი. ვიტამინი E ანტიოქსიდანტია და კანის უჯრედებს დაზიანებისგან იცავს. ამ ნივთიერებებს მთელი რაციონი გვაძლევს, ამიტომ არაქისის კარაქი მრავალფეროვანი კვების ნაწილი უნდა იყოს და არა მისი შემცვლელი. ზომიერება აქაც მთავარია: დღეში 1-2 სუფრის კოვზი საკმარისია. არაქისის კარაქის მირთმევის სიმარტივე და არაჩვეულებრივი გემო კანზე ზრუნვას მარტივს და სასიამოვნოს ხდის.
ჩვენი კლასიკური არაქისის კარაქი და ხრაშუნა არაქისის კარაქი მხოლოდ მოხალული მიწისთხილისა და ზღვის მარილისგან მზადდება. არაქისის კარაქის სხვა სასარგებლო თვისებებზე ვწერთ სტატიაში რა ხდის Peanut Butter-ს შეუცვლელს ჯანმრთელობისთვის, ქალებისთვის მის სარგებელზე კი - სტატიაში არაქისის კარაქი ქალებისთვის. არაქისზე ალერგიის შემთხვევაში არაქისის კარაქის მირთმევა არ შეიძლება.
